National
പഞ്ചായത്ത് പ്രസിഡന്റ് തെരഞ്ഞെടുപ്പിൽ തോറ്റ സ്ഥാനാർത്ഥിക്ക് ജനങ്ങൾ എസ് യു വി സമ്മാനമായി നൽകി
ഗ്രാമപഞ്ചായത്ത് പ്രസിഡന്റ് തെരഞ്ഞെടുപ്പിൽ തോറ്റ സ്ഥാനാർത്ഥിക്ക് വമ്പൻ സമ്മാനങ്ങൾ നൽകി ഗ്രാമവാസികൾ. രണ്ട് കോടി രൂപയും എസ് യു വി-യുമാണ് ഹരിയാനയിലെ ചിഡി ഗ്രാമത്തിലെ സർപഞ്ച് തെരഞ്ഞെടുപ്പിൽ തോറ്റ സ്ഥാനാർത്ഥിക്ക് ലഭിച്ചത്. കല എന്നറിയപ്പെടുന്ന ധർമപാൽ ദലാലും നവീൻ ദലാലും തമ്മിലായിരുന്നു മത്സരം. ഫലം വന്നപ്പോൾ 66 വോട്ടുകൾക്ക് ധർമപാൽ ദലാൽ പരാജയപ്പെട്ടു. എന്നാൽ തോറ്റ സ്ഥാനാർത്ഥി പ്രശ്നമുണ്ടാക്കാതിരിക്കാനായി ഗ്രാമവാസികൾ വൻ തുകയും കാറും സമ്മാനമായി നൽകുകയായിരുന്നു.
2000-ൽ ബ്ലോക്ക് സമിതിയുടെ ചെയർമാനായിരുന്നു ധർമ്മപാൽ. ഇക്കുറി പഞ്ചായത്ത് സർപഞ്ച് തെരഞ്ഞെടുപ്പിൽ മത്സരിക്കാൻ തീരുമാനിച്ചെങ്കിലും വിജയിക്കാനായില്ല. തെരഞ്ഞെടുപ്പിന് പിന്നാലെ ചിഡി ഗ്രാമത്തെ ജില്ലാ ഭരണകൂടം പ്രശ്നബാധിതമേഖലയായി പ്രഖ്യാപിച്ചിരുന്നു. പഞ്ചായത്ത് തെരഞ്ഞെടുപ്പിൽ തോറ്റെങ്കിലും ഗ്രാമവാസികൾ നൽകിയ സമ്മാനത്തിൽ ധർമപാൽ സംതൃപ്തനാണ്.