Business
കോൺഗ്രസ് വിട്ടെത്തിയ നേതാക്കൾക്ക് അർഹമായ സ്ഥാനങ്ങൾ നൽകി ബിജെപി
കോൺഗ്രസ് വിട്ട് ബി ജെ പി-യിൽ ചേർന്ന പഞ്ചാബ് മുൻ മുഖ്യമന്ത്രി അമരീന്ദർ സിംഗിന് അർഹമായ പരിഗണന നൽകി പാർട്ടി. ബി ജെ പി ദേശീയ എക്സിക്യൂട്ടീവിലേക്ക് അമരീന്ദർ സിംഗിനെ തെരഞ്ഞെടുത്തു. അമരീന്ദറിനൊപ്പം പഞ്ചാബ് മുൻ പി സി സി പ്രസിഡന്റ് സുനിൽ ജാക്കറേയും എക്‌സിക്യൂട്ടീവിൽ ഉൾപ്പെടുത്തി. ബി ജെ പി-യിലേക്ക് അടുത്തിടെ എത്തിയ മുൻ കോൺഗ്രസ് വക്താവ് ജയ് വീർ ഷെർഗിലിന് ദേശീയ വക്താവിന്റെ ചുമതല നൽകി.
കോൺഗ്രസിന്റെ യുവനിരയിലെ പ്രമുഖനായിരുന്ന ജയ് വീർ ഷെർഗിൽ പാർട്ടി നേതൃത്വവുമായുള്ള അഭിപ്രായവെത്യാസങ്ങളേത്തുടർന്ന് കോൺഗ്രസിൽ നിന്ന് രാജിവച്ചു ബി ജെ പി-യിൽ പ്രവേശിക്കുകയായിരുന്നു.
ഉത്തരാഖണ്ഡിൽ നിന്നും മദൻ കൗശികിനേയും ഛത്തീസ്ഗഢിൽ നിന്നും വിഷ്ണുദേവ് സായിയേയും പഞ്ചാബിൽ നിന്നുള്ള റാണാ ഗുർമിത് സിംഗ് സോധി, മനോരഞ്ജൻ കാലിയ, അമൻജോത് കൗർ രാമുവാലിയ എന്നിവരെയും ബി ജെ പി ദേശീയ എക്സിക്യൂട്ടീവിലെ പ്രത്യേകക്ഷണിതാക്കളാക്കി.