ആറ്റുകാൽ പൊങ്കാലയോടനുബന്ധിച്ച് കേരളത്തിന് എറണാകുളം-തിരുവനന്തപുരം സ്‌പെഷ്യൽ മെമു, തിരുവനന്തപുരം സെൻട്രൽ-എറണാകുളം സ്‌പെഷ്യൽ മെമു, നാഗർകോവിൽ-തിരുവനന്തപുരം സെൻട്രൽ മെമു എന്നിങ്ങനെ മൂന്ന് സ്പെഷ്യൽ ട്രെയിനുകൾ അനുവദിച്ചു. ഇതിന് പുറമേ, മംഗളൂരു സെൻട്രൽ-തിരുവനന്തപുരം സെൻട്രൽ (16348) ട്രെയിനിന് പരവൂർ, വർക്കല, കടയ്‌ക്കാവൂർ എന്നിവിടങ്ങളിൽ സ്‌റ്റോപ് അനുവദിച്ചു.

എറണാകുളം-തിരുവനന്തപുരം സ്‌പെഷ്യൽ മെമു എറണാകുളത്തുനിന്ന് പുലർച്ച 1.45ന് പുറപ്പെടും. 6.30ന് തിരുവനന്തപുരം സെൻട്രലിൽ എത്തും. തിരുവനന്തപുരം സെൻട്രൽ-എറണാകുളം മെമു സ്‌പെഷ്യൽ വൈകീട്ട് 3.30ന് തിരുവനന്തപുരം സെൻട്രലിൽനിന്ന് പുറപ്പെടും. നാഗർകോവിൽ-തിരുവനന്തപുരം സെൻട്രൽ മെമു സ്‌പെഷ്യൽ നാഗർകോവിലിൽനിന്ന് പുലർച്ച 2.15ന് പുറപ്പെട്ട് 3.32ന് തിരുവനന്തപുരം സെൻട്രലിൽ എത്തും.

മന്ത്രിമാരുടെ പഴ്സണൽ സ്റ്റാഫിൽ പരമാവധി 25 പേരെ നിയമിക്കാമെന്ന ഇടതുമുന്നണി ധാരണ നിലനിൽക്കേ പുതിയ ഗതാഗതവകുപ്പ് മന്ത്രി കെ.ബി.ഗണേഷ് കുമാറിന്റെ പഴ്സണൽ സ്റ്റാഫിൽ 20 പേരെ മാത്രം നിയമിച്ചുള്ള ഉത്തരവ് പുറത്തിറങ്ങി. കൊല്ലം ജില്ലക്കാരനായ മന്ത്രി സ്വന്തം ജില്ലയിൽനിന്നാണ് കൂടുതൽ പേരെയും സ്റ്റാഫിൽ നിയമിച്ചത്.

സിപിഎം സംഘടനാ നേതാവ് എ.പി.രാജീവനെ അഡി.പ്രൈവറ്റ് സെക്രട്ടറിയായും കെഎസ്ആർടിസി എക്സിക്യൂട്ടീവ് ഡയറക്ടർ (വിജിലൻസ്) ജി.അനിൽ കുമാറിനെ അസി.പ്രൈവറ്റ് സെക്രട്ടറിയായും കൊല്ലം സ്വദേശിയായ സുവോളജി അധ്യാപകൻ രഞ്ജിത്തിനെ അഡി.പ്രൈവറ്റ് സെക്രട്ടറിയായും നിയമിച്ചു.

2023-ൽ യിൽ 197 വണ്ടികൾക്ക് പരീക്ഷണാടിസ്ഥാനത്തിൽ അനുവദിച്ച സ്റ്റോപ്പുകൾ തുടരാൻ ദക്ഷിണ റെയിൽവേ തീരുമാനിച്ചു. ഓഗസ്റ്റുമുതൽ ആറുമാസത്തേക്കായിരുന്നു 21 സ്റ്റേഷനുകളിൽ സ്റ്റോപ്പുകൾ അനുവദിച്ചത്.

പരശുറാം എക്സ്പ്രസിന് അനുവദിച്ച ചെറുവത്തൂർ, മലബാറിന് ചാലക്കുടി, കുറ്റിപ്പുറം, ഏറനാടിന് പഴയങ്ങാടി, മാവേലിക്ക്, തിരൂർ, ഹംസഫറിന് കണ്ണൂർ എന്നിവിടങ്ങളിലെ സ്റ്റോപ്പുകളും ഇതിൽപ്പെടും. അതേസമയം, സ്റ്റോപ്പുകൾ നിലനിർത്താൻ നിലവിലെ സാഹചര്യത്തിൽ ചെറിയ സ്റ്റേഷനുകൾക്ക് സാധ്യമല്ല. എക്‌സ്‌പ്രസ്, മെയിൽ വണ്ടികൾ നിർത്തണമെങ്കിൽ ബന്ധപ്പെട്ട സ്റ്റേഷനുകളിൽ യഥാക്രമം 16,672 രൂപ, 22,442 രൂപ ഈ വണ്ടികൾക്ക് വരുമാനം കിട്ടണം.