Connect with us

Kerala

ശബരിമല തീര്‍ത്ഥാടനകാലത്തെ റെയില്‍വേ നവീകരണം നിര്‍ത്തിവെയ്പ്പിക്കണം; പ്രധാനമന്ത്രിക്ക് നിവേദനം നല്‍കി വിശ്വഹിന്ദു പരിഷത്ത്

Published

on

ദക്ഷിണ റെയില്‍വേ തിരുവനന്തപുരം ഡിവിഷന്റെ നേതൃത്വത്തില്‍ ആരംഭിച്ചിരിക്കുന്ന റെയില്‍വേ നവീകരണ പ്രവര്‍ത്തനങ്ങള്‍ ശബരിമല ക്ഷേത്രത്തിലെ മണ്ഡലമകരവിളക്ക് സീസണ്‍ അവസാനിക്കുന്നതുവരെ നിര്‍ത്തിവെയ്ക്കാന്‍ ബന്ധപ്പെട്ട ഉദ്യോഗസ്ഥര്‍ക്ക് നിര്‍ദ്ദേശം നല്‍കണമെന്നാവശ്യപ്പെട്ട് വിശ്വഹിന്ദു പരിഷത്ത് സംസ്ഥാന പ്രസിഡന്റ് വിജി തമ്പി, ജനറല്‍ സെക്രട്ടറി വിആര്‍ രാജശേഖരന്‍ എന്നിവര്‍ പ്രധാനമന്ത്രി നരേന്ദ്രമോദിക്ക് നിവേദനം നല്‍കി.

മണ്ഡലകാലത്ത് നടക്കുന്ന റെയില്‍വേ നവീകരണപ്രവര്‍ത്തനങ്ങള്‍ രാജ്യത്തിന്റെ വിവിധ ഭാഗങ്ങളില്‍ നിന്നും തീവണ്ടിമാര്‍ഗ്ഗം ശബരിമലയിലെത്തുന്ന തീര്‍ത്ഥാടകര്‍ക്ക് ദുരിതമാകുമെന്ന് പ്രധാനമന്ത്രിക്ക് നല്‍കിയ നിവേദനത്തില്‍ വിശ്വഹിന്ദു പരിഷത്ത് നേതാക്കള്‍ ചൂണ്ടിക്കാട്ടുന്നു. നവംബര്‍ 16ന് ആരംഭിച്ച ശബരിമല തീര്‍ഥാടനം അടുത്ത വര്‍ഷം ജനുവരി 14നാണ് അവസാനിക്കുന്നത്. രാജ്യത്തിന്റെ വിവിധ ഭാഗങ്ങളില്‍ നിന്നുള്ള പ്രമുഖവ്യക്തികള്‍ ഉൾപ്പെടെ ലക്ഷക്കണക്കിന് തീര്‍ത്ഥാടകരാണ് ഈ കാലയളവില്‍ ശബരിമലയില്‍ ദര്‍ശനത്തിനായി എത്തുന്നത്. കോവിഡ് നിയന്ത്രണങ്ങള്‍ പിന്‍വലിച്ചതോടെ ഇത്തവണ അഭൂതപൂര്‍വ്വമായ ഭക്തജനത്തിരക്ക് അനുഭവപ്പെടുമെന്നാണ് വിലയിരുത്തല്‍.

രാജ്യത്തിന്റെ വിവിധ ഭാഗങ്ങളില്‍ നിന്നും ശബരിമല തീര്‍ഥാടനത്തിനായി ഭൂരിഭാഗം ഭക്തരും തീവണ്ടി മാര്‍ഗ്ഗമാണ് കേരളത്തില്‍ എത്തുന്നത്. എറണാകുളം സൗത്ത്, എറണാകുളം നോര്‍ത്ത്, ചെങ്ങന്നൂര്‍, കോട്ടയം റെയില്‍വേ സ്‌റ്റേഷനുകളിലാണ് ഇവര്‍ തീവണ്ടി ഇറങ്ങുന്നത്. എന്നാല്‍ റെയില്‍വേയുടെ നേതൃത്വത്തില്‍ ഇക്കാലയളവില്‍ നവീകരണപ്രവര്‍ത്തനങ്ങള്‍ ആരംഭിക്കുന്നത് കേരളത്തിലേക്കുള്ള തീവണ്ടിസര്‍വ്വീസുകളില്‍ പലതും റദ്ദാക്കാനും പുനക്രമീകരിക്കാനും വഴിതിരിച്ചുവിടുന്നതിനുമൊക്കെ ഇടയാക്കും. ഇത് രാജ്യത്തിന്റെ വിവിധ ഭാഗങ്ങളില്‍ നിന്നും എത്തുന്ന ഭക്തരുടെ തീർത്ഥാടകയാത്രയെ തകിടംമറിക്കുമെന്നും വിശ്വഹിന്ദു പരിഷത്ത് നേതാക്കള്‍ കത്തില്‍ ചൂണ്ടിക്കാട്ടുന്നു. കേരളത്തിലെ പ്രധാന സ്റ്റേഷനുകളായ എറണാകുളം സൗത്ത്, നോര്‍ത്ത് റെയില്‍വേസ്‌റ്റേഷനുകളില്‍ മണ്ഡലകാലത്ത് നവീകരണം നടത്താനുളള ദക്ഷിണ റെയില്‍വേയുടെ നീക്കം ദൗര്‍ഭാഗ്യകരമാണ്.

ദിവസങ്ങള്‍ നീണ്ട വ്രതാനുഷ്ഠാനത്തിനുശേഷമാണ് ഭക്തര്‍ ശബരിമല തീർത്ഥാടനത്തിനായി എത്തുന്നത്. ആദ്യമായി ശബരിമല തീര്‍ത്ഥാടനത്തിനെത്തുന്ന പത്തുവയസ്സില്‍ താഴെയുള്ള കന്നി അയ്യപ്പന്മാരായ കുട്ടികള്‍ മുതല്‍ പ്രായമായ പുരുഷന്മാരും സ്ത്രീകളും ഭിന്നശേഷിക്കാര്‍ ഉൾപ്പെടെയുള്ളവരാണ് തീര്‍ത്ഥാടകരായി എത്തുന്നത്. ഇവര്‍ക്കെല്ലാം റെയില്‍വേയുടെ നടപടി കടുത്ത ദുരിതമായിരിക്കും സമ്മാനിക്കുകയെന്നും വിശ്വഹിന്ദു പരിഷത്ത് നേതാക്കള്‍ പ്രധാനമന്ത്രിക്ക് അയച്ച കത്തില്‍ ചൂണ്ടിക്കാണിക്കുന്നു. ലക്ഷക്കണക്കിന് ഭക്തര്‍ക്ക് അവരുടെ ശബരിമല തീര്‍ത്ഥാടനം തടസ്സം കൂടാതെ നിറവേറ്റാന്‍ വിഷയത്തില്‍ ഇടപെട്ട് റെയില്‍വേ ആരംഭിച്ചിരിക്കുന്ന നിര്‍മ്മാണപ്രവര്‍ത്തനങ്ങള്‍ നിര്‍ത്തിവെയ്പ്പിക്കണമെന്നും ജനുവരി 15നുശേഷം നിര്‍മ്മാണപ്രവര്‍ത്തനങ്ങള്‍ ആരംഭിക്കാന്‍ നിര്‍ദ്ദേശം നല്‍കണമെന്നും വിശ്വഹിന്ദു പരിഷത്ത് നേതാക്കള്‍ കത്തില്‍ പ്രധാനമന്ത്രിയോട് അഭ്യര്‍ഥിച്ചു.

Continue Reading
Click to comment

Leave a Reply

Your email address will not be published. Required fields are marked *

Crime

ടി.പി ചന്ദ്രശേഖരൻ വധത്തില്‍ ഹൈക്കോടതിവിധി സ്വാഗതം ചെയ്ത് കെ.കെ രമ എംഎല്‍എ

Published

on

By

കോടതി വെറുതെ വിട്ട സി.പി.എം കോഴിക്കോട് ജില്ലാ സെക്രട്ടറി പി.മോഹനനെതിരായ നിയമപോരാട്ടം തുടരുമെന്നും അദ്ദേഹത്തെ പ്രതി ചേർക്കാൻ അപ്പീല്‍ നല്‍കുമെന്നും കെ.കെ രമ എം.എൽ.എ. ഹൈക്കോടതി വിധിയില്‍ സന്തോഷമുണ്ടെന്നും ഏറ്റവും നല്ല വിധിയാണു പുറത്തുവന്നതെന്നും കൊലപാതകത്തില്‍ സി.പി.എമ്മിന്റെ പങ്കാണ് ഒരിക്കല്‍കൂടി പുറത്തുവരുന്നതെന്നും അവർ വ്യക്തമാക്കി. അഭിപ്രായം പറഞ്ഞതിനാണ് ചന്ദ്രശേഖരനെ പാർട്ടി ആലോചിച്ചു വെട്ടിക്കൊന്നത്.

“സാമ്പത്തിക, രാഷ്ട്രീയ സ്വാധീനമെല്ലാം കേസിനുണ്ടായിരുന്നു. കോഴിക്കോട് ജില്ലാ സെക്രട്ടറിയേറ്റ് അംഗം ഭാസ്‌കരൻ സ്ഥിരമായി വന്നു കേസിന്റെ മേല്‍നോട്ടം വഹിക്കുകയായിരുന്നു. എല്ലാ ദിവസവും കോടതിയിലുണ്ടായിരുന്നു. പാർട്ടിയാണ് ഈ കേസ് നടത്തിയത്. കൊലയാളികള്‍ക്കുവേണ്ടിയുള്ള കേസുപോലും സി.പി.എമ്മാണു നടത്തുന്നത്.”

ഇനി ഇതുപോലെയൊരു കൊല നമ്മുടെ നാട്ടില്‍ നടക്കരുത്. അഭിപ്രായം പറഞ്ഞതിന്റെ പേരില്‍ മനുഷ്യനെ വെട്ടിക്കൊല്ലുന്നത് അവസാനിപ്പിക്കണം. അതിനു കൂടിയുള്ള ശക്തമായ താക്കീതാണു കോടതിവിധി. ഈ വിധിയില്‍ കോടതിയോട് നന്ദിയുണ്ടെന്നും കെ.കെ രമ കൂട്ടിച്ചേർത്തു.

Continue Reading

Business

മസാല ബോണ്ട് കേസില്‍ ഇഡി സമൻസിന് മറുപടി നല്‍കും: കിഫ്ബി

Published

on

By

മസാല ബോണ്ട് കേസില്‍ ഇഡി സമൻസിന് മറുപടിയുമായി ഡിജിഎം അജോഷ് ഇഡിയ്ക്ക് മുന്നില്‍ ഹാജരാകുകയും കണക്കുകളില്‍ വിശദീകരണം നല്‍കുകയും ചെയ്യുമെന്ന് കിഫ്ബി അറിയിച്ചു. ഈ മാസം 26,27 തീയതികളില്‍ കിഫ്ബി ഉദ്യോഗസ്ഥർ ഹാജരാകണമെന്ന് ഹൈക്കോടതി നിർദ്ദേശം നല്‍കി.

ആവശ്യപ്പെട്ട രേഖകൾ നൽകാൻ തയ്യാറെന്നും കിഫ്ബി സിഇഒ ഹാജരാകില്ല; പകരം ഫിനാൻസ് ഡിജിഎം ഹാജരാകും. തൽക്കാലം ഡിജിഎം ഹാജരാകുന്നതിൽ എതിർപ്പില്ലെന്ന് ഇഡി സൂചിപ്പിക്കുന്നു.

Continue Reading

Automobile

ആറ്റുകാൽ പൊങ്കാല; കേരളത്തിന് മൂന്ന് സ്പെഷ്യൽ ട്രെയിനുകൾ

Published

on

By

ആറ്റുകാൽ പൊങ്കാലയോടനുബന്ധിച്ച് കേരളത്തിന് എറണാകുളം-തിരുവനന്തപുരം സ്‌പെഷ്യൽ മെമു, തിരുവനന്തപുരം സെൻട്രൽ-എറണാകുളം സ്‌പെഷ്യൽ മെമു, നാഗർകോവിൽ-തിരുവനന്തപുരം സെൻട്രൽ മെമു എന്നിങ്ങനെ മൂന്ന് സ്പെഷ്യൽ ട്രെയിനുകൾ അനുവദിച്ചു. ഇതിന് പുറമേ, മംഗളൂരു സെൻട്രൽ-തിരുവനന്തപുരം സെൻട്രൽ (16348) ട്രെയിനിന് പരവൂർ, വർക്കല, കടയ്‌ക്കാവൂർ എന്നിവിടങ്ങളിൽ സ്‌റ്റോപ് അനുവദിച്ചു.

എറണാകുളം-തിരുവനന്തപുരം സ്‌പെഷ്യൽ മെമു എറണാകുളത്തുനിന്ന് പുലർച്ച 1.45ന് പുറപ്പെടും. 6.30ന് തിരുവനന്തപുരം സെൻട്രലിൽ എത്തും. തിരുവനന്തപുരം സെൻട്രൽ-എറണാകുളം മെമു സ്‌പെഷ്യൽ വൈകീട്ട് 3.30ന് തിരുവനന്തപുരം സെൻട്രലിൽനിന്ന് പുറപ്പെടും. നാഗർകോവിൽ-തിരുവനന്തപുരം സെൻട്രൽ മെമു സ്‌പെഷ്യൽ നാഗർകോവിലിൽനിന്ന് പുലർച്ച 2.15ന് പുറപ്പെട്ട് 3.32ന് തിരുവനന്തപുരം സെൻട്രലിൽ എത്തും.

Continue Reading
Advertisement

Trending

Copyright © 2017 Zox News Theme. Theme by MVP Themes, powered by WordPress.