Article/Openion
അരുത് പിണറായീ . . . കെയുഡബ്ല്യുജെ-ക്ക് പുറത്തൊരു മാധ്യമലോകമുണ്ട്!
എളമരം കരീമിനെ ഭീഷണിപ്പെടുത്തിയെന്ന പേരില്‍ ഏഷ്യാനെറ്റ് അവതാരകന്‍ വിനു വി ജോണിനെതിരെ തിരുവനന്തപുരം കന്റോണ്‍മെന്റ് പോലീസ് കേസെടുത്തു നോട്ടീസ് നൽകുകയും വിനു വി ജോൺ സ്റ്റേഷനിലെത്തി വിശദീകരണം കൊടുത്തു മടങ്ങുകയും ചെയ്തു. എളമരം കരീം നല്‍കിയ പരാതിയിലാണ് കേസ്. ടി വി ചാനല്‍ പ്രോഗ്രാം വഴി ഭീഷണിപ്പെടുത്തണമെന്നും മറ്റുള്ളവരെക്കൊണ്ട് ആക്രമിപ്പിക്കണമെന്നും മനപ്പൂര്‍വ്വം അപമാനിച്ച് സമാധാനലംഘനം നടത്തണമെന്നുമുള്ള ഉദ്ദേശത്തോടെ വിനു വി ജോണ്‍ പ്രവര്‍ത്തിച്ചുവെന്നാണ് എഫ് ഐ ആറില്‍ പറയുന്നത്.
എന്നാല്‍ വിനു ഇതറിയുന്നത് പാസ്പോര്‍ട്ട് പുതുക്കാനുള്ള അപേക്ഷ പോലീസ് നിരസിച്ചപ്പോഴാണ്. അഖിലേന്ത്യാ പണിമുടക്കിനോടനുബന്ധിച്ച് കേരളത്തില്‍ നടന്ന അക്രമസംഭവങ്ങളെക്കുറിച്ച് അന്ന് വൈകീട്ടത്തെ ന്യൂസ് അവര്‍ അവതരിപ്പിച്ചപ്പോള്‍ സി ഐ ടി യു അഖിലേന്ത്യാ സെക്രട്ടറിയായ എളമരം കരീമിനെ ആക്രമിക്കാന്‍ ആഹ്വാനം ചെയ്തു എന്ന കുറ്റത്തിനാണ് കേസ്.
മാര്‍ച്ച് 28ന് രാത്രി എട്ടിനും ഒമ്പതിനും ഇടക്കാണ് ഈ ‘കുറ്റകൃത്യം’ നടന്നതെന്നും പരാതി ലഭിച്ചത് ഏപ്രില്‍ മാസം 28 ന് രാവിലെ പത്തരക്കാണെന്നും എഫ് ഐ ആറില്‍ കന്റോണ്‍മെന്റ് പൊലീസ് പറയുന്നു. തിരൂരില്‍ രോഗിയുമായി പോയ ഓട്ടോ ഡ്രൈവർ യാസറിനെ ഓട്ടോയില്‍ നിന്ന് പിടിച്ചിറക്കി പണിമുടക്ക് അനൂകൂലികള്‍ ക്രൂരമായി മര്‍ദ്ദിച്ചതിനെക്കുറിച്ച് എളമരം കരീമിന്റെ പ്രതികരണമിതായിരുന്നു: “മാസങ്ങള്‍ക്ക് മുമ്പേ പ്രഖ്യാപിച്ച പണിമുടക്കായിരുന്നു ഇത്. അന്ന് റോട്ടിലിറങ്ങിയിട്ട് എന്നെ പിച്ചി, മാന്തി എന്നൊക്ക പറഞ്ഞു വരികയാണ്.”
ഇതിനെക്കുറിച്ച് അന്നത്തെ ന്യൂസ് അവറില്‍ വിനു വി ജോണ്‍ പറഞ്ഞത് ഇങ്ങനെയായിരുന്നു:
“എളമരം കരീം പോയ വണ്ടി ഒന്ന് അടിച്ച് പൊട്ടിക്കണമായിരുന്നു. എന്നിട്ട് എളമരം കരീം കുടുംബസമേതമായിരുന്നെങ്കില്‍ അദ്ദേഹത്തെയും കുടുംബത്തേയും ഇറക്കിവിടണമായിരുന്നു. എളമരം കരീം പോയ ഒരു വണ്ടിയുടെ കാറ്റ് അഴിച്ചുവിടണമായിരുന്നു. എളമരം കരീമിന്റെ മുഖത്തടിച്ച് ചോരവരുത്തണമായിരുന്നു. അപ്പോള്‍ അറിയാമായിരുന്നു പിച്ചലും മാന്തലുമൊക്കെ.” ഇതിന് പിന്നാലെ വിനു വി ജോണിനെതിരെ വ്യാപകമായി രീതിയില്‍ പോസ്റ്ററുകള്‍ അദ്ദേഹത്തിന്റെ വീടിന്റെ ഗേറ്റ് ചാടി അകത്തു കടന്നു വീടിനുമുന്നിലും തിരുവനന്തപുരം നഗരത്തിലും പതിക്കുകയും ഏഷ്യാനെറ്റിലേക്ക് തൊഴിലാളിസംഘടനകളുടെ നേതൃത്വത്തില്‍ പ്രകടനം നടത്തുകയും ചെയ്തിരുന്നു. എന്നാൽ യാസറിനെ ആക്രമിച്ചവർക്കെതിരെ നടപടികൾ സ്വീകരിക്കാൻ പോലീസിന് ഉത്സാഹക്കുറവുണ്ടെന്നുള്ള വാർത്തയും പുറത്തുവരുന്നുണ്ട്.
എന്നാല്‍ തനിക്കെതിരെ കന്റോണ്‍മെന്റ് പൊലീസ് കേസെടുത്ത വിവരം വിനു വി ജോണ്‍ അറിയുന്നത് തന്റെ പാസ്പോര്‍ട്ട് പുതുക്കി നല്‍കാനുള്ള അപേക്ഷ നല്‍കിയപ്പോഴാണ്. കേസുള്ളതുകൊണ്ട് പാസ്പോർട്ട് പുതുക്കി നല്‍കാന്‍ പറ്റില്ലന്നായിരുന്നു പൊലീസ് പറഞ്ഞത്.
ഐപിസിയിലെ 107, 118, 504, 506 എന്നീ വകുപ്പുകളും കെ പി ആക്ടിലെ 120 ഒ-യും ചേര്‍ത്താണ് കേസെടുത്തിരിക്കുന്നത്. ഇതില്‍ ചിലത് ജാമ്യം നിഷേധിക്കാന്‍ കഴിയുന്ന വകുപ്പുകളാണ്. എന്നിട്ടും പ്രതിയായ താന്‍ വിഷയം അറിയുന്നത് പാസ്പോര്‍ട്ട് പുതുക്കുന്നതിന് അനുമതി നിഷേധിച്ചപ്പോഴാണെന്നും വിനു വി ജോണ്‍ പറയുന്നു.
ഏത് ജനാധിപത്യമൂല്യസംഹിതയാണ് ഈ വിഷയത്തിൽ തെളിഞ്ഞുനിൽക്കുന്നത്? നിയമവാഴ്ചയുടെ ഏത് ഔചിത്യബോധമാണ് ഇതിൽ മുന്നിട്ടുനിൽക്കുന്നത്? ഏത് രീതിശാസ്ത്രത്തിന്റെ അളവുകോലുകളനുസരിച്ചും നിയമവാഴ്ചയുടെ ജനാധിപത്യസംഹിതകളനുസരിച്ചും സാധൂകരിക്കത്തക്കതല്ല പോലീസിന്റെ ഈ നടപടി. ഇതിന് മറുപടി പറയേണ്ടത് ആഭ്യന്തരവകുപ്പാണ്; ആ വകുപ്പ് കൈവശമിരിക്കുന്ന മുഖ്യമന്ത്രിയാണ്.
അഭിപ്രായസ്വാതന്ത്ര്യം ജനാധിപത്യത്തിന്റെ ജീവവായു ആണ്. അതിന്റെ കടക്കൽ കത്തി വെക്കപ്പെടുന്ന ഏതുനീക്കവും കടന്നെതിർക്കപ്പെടേണ്ടതുണ്ട്. വസ്തുതാപരമായി പരിശോധിക്കുകയാണെങ്കിൽ ആക്രമിക്കപ്പെട്ട വ്യക്തിയുടെ പൗരാഭിമാനബോധത്തെ പരിഹാസത്തിലൂടെ ആക്രമിക്കുക വഴി ‘ഇന്ത്യൻ പൗരൻ’ എന്ന ആത്മവീര്യത്തെയും അതുവഴി രാഷ്ട്രത്തിന്റെ ആത്മബോധത്തെയുമാണ് എളമരം കരീം അധിക്ഷേപിച്ചതെന്ന് കണ്ടെത്തുന്നത് അനൗചിത്യമാവുന്നതെങ്ങനെ?
സ്വാതന്ത്ര്യം, ജനാധിപത്യം തുടങ്ങിയ വാക്കുകൾ പരിഹാസരൂപേണയോ വിരുദ്ധോക്തിയിലോ ആണോ സിപിഎമ്മുകാർ വിളിച്ചുകൂവുന്നതെന്ന് വ്യക്തമാക്കേണ്ടത് അവർ തന്നെയാണ്. തങ്ങൾ ഒന്നാംതരം പൗരന്മാരും ഇതരരെല്ലാം രണ്ടാംതരവുമെന്ന സവിശേഷകിനാശ്ശേരിസങ്കൽപമാണോ സിപിഎമ്മിനുള്ളതെന്ന് ആരെങ്കിലും സംശയിച്ചാൽ അവരെ കുറ്റപ്പെടുത്താൻ പറ്റുമോ? അഭിനവജന്മിത്വം ഭാവഹാവാദികളിൽ പേറുന്ന സിപിഎമ്മിന്റെ രീതിശാസ്ത്രം ജനാധിപത്യവ്യവസ്ഥിതിയിൽ ഭൂഷണമല്ല. ഇതേ സിപിഎം ബിബിസി-യിൽ നടന്ന യൂണിയൻ സർക്കാർ ഏജൻസികളുടെ പരിശോധനയെ വിമർശിക്കാൻ ഉത്സാഹം കാണിക്കുന്നതാണോ ‘വൈരുധ്യാത്മക എന്തോ വാദം’?
അതിക്രമം, ഭീഷണി, ഉന്മൂലനം എന്ന നയം നടപ്പാക്കാൻ കാണിക്കുന്ന ഔത്സുക്യം തങ്ങളെക്കുറിച്ച് പരസ്യവേദികളിൽ മുന്നോട്ടുവെക്കുന്ന ഗീർവാണങ്ങൾ നിറുത്തിവെക്കാൻ കാണിച്ചാൽ അത് കേരളത്തോട് കാണിക്കുന്ന മര്യാദയാവും. പൊതുസമൂഹത്തെ മൊത്തത്തിൽ ശത്രുപക്ഷത്ത് നിറുത്തിയും രൂപമില്ലാത്ത ഒരു ശത്രുവിനോടുള്ള ഭയം ഓരോ ശ്വാസത്തിലും സ്വാംശീകരിച്ചും ധാർഷ്ട്യം അലങ്കാരമാക്കിയും നീങ്ങുന്നവർ സാമൂഹ്യഭീരുക്കളുടെ വിഭാഗത്തിൽപ്പെടുന്നു എന്നതിന് ചരിത്രം സാക്ഷി.
ചോദ്യങ്ങളോടുള്ള അസഹിഷ്ണുത മാധ്യമപ്രവർത്തനത്തോടുള്ള വിചിത്രസമീപനരീതികളിലൂടെ പലപ്പോഴും പ്രകടിപ്പിക്കാറുള്ള പിണറായി വിജയൻ മാധ്യമപ്രവർത്തനത്തിന്റെ ജനാധിപത്യസാമൂഹ്യപ്രസക്തിക്ക് നിരക്കുന്ന പ്രവർത്തനരീതിശാസ്ത്രങ്ങളിൽനിന്നും നിർഭാഗ്യവശാൽ പലപ്പോഴും അകന്നുമാറി സഞ്ചരിക്കുന്ന കെയുഡബ്ല്യുജെ-യെ എങ്ങനെയെങ്കിലും ഒതുക്കിനിറുത്തിയാൽ വിജയിക്കാമെന്നുള്ള ചിന്താവൈകല്യം പ്രദാനം ചെയ്യുന്ന മൂഢസ്വർഗ്ഗത്തിലാണോ? സിപിഎമ്മിന്റെ പല പോഷകസംഘടനകളിലൊന്നോ എന്ന സംശയം പൊതുജനങ്ങളിൽ ജനിപ്പിക്കുന്ന സമീപനങ്ങൾക്ക് പേരുകേട്ട കെയുഡബ്ല്യുജെ-ക്കും അതിന്റെ അതാതുകാലങ്ങളിലെ നേതൃത്വത്തിൽ എത്തുന്നവർക്കും പലപ്പോഴും മടിയിൽ ആവശ്യത്തിലേറെ പലവിധകനങ്ങൾ ഉണ്ടാവുന്നതിനാലെന്നപോലെയുള്ള പ്രവർത്തനങ്ങൾ സ്വാഭാവികതയാണെന്ന് വിവിധകോണുകളിൽനിന്നും പരാമർശങ്ങൾ ഉയരാറുണ്ട്. സംസ്ഥാനത്തെ മുൻനിര മാധ്യമപ്രവർത്തകരിൽ ഒരാളായ വിനു വി ജോണിന്റെ വിഷയത്തിലും സംഘടന നടത്തുന്ന പ്രതികരണഭാഷ സാംസ്കാരികമായെന്ന വ്യാജേനയുള്ള പരിമിതപ്പെടുത്തലുകൾക്ക് വിധേയമാക്കിയതാണ്.
സംഘടനയുടെ നിലവിലെ നേതൃത്വത്തിലുള്ളവരിൽ ചിലരെങ്കിലും ക്രിമിനൽ തട്ടിപ്പുമാഫിയകളുമായി ഊഷ്മളബന്ധം പുലർത്തുന്ന സ്വഭാവസവിശേഷതകൾ പ്രകടിപ്പിച്ചിട്ടുള്ളതിന്റെ വാർത്തകൾ പുറത്തുവന്നിട്ടുള്ളതാണ്. ഇവർ സ്വന്തം നിലക്കുള്ള പ്രൊഫഷണൽ കഴിവുകളുടെ അസാന്നിധ്യത്തിലും അവരവർ ജോലി ചെയ്യുന്ന സ്ഥാപനങ്ങളിലെ ആഭ്യന്തരമായ അധികാരശ്രേണിയിൽ അനാരോഗ്യകരമായ ഇടപെടലുകൾ നടത്തുന്നതിൽ ഹരം കണ്ടെത്തുന്നവരാണെന്നതിന്റെ അതിനിന്ദ്യസൂചനാനിഴലിലാണെന്ന് പറയപ്പെടുന്നു. ഇത്തരം ബലഹീനതകളെ ആയുധമാക്കാം എന്ന് കരുതുന്ന പിണറായി വിജയൻ മറന്നുപോവരുതാത്ത വസ്തുത, കേരളത്തിലെ വിവിധ മാധ്യമരൂപങ്ങളുമായി ബന്ധപ്പെട്ടുനിൽക്കുന്ന യഥാർത്ഥമാധ്യമപ്രവർത്തനപ്രൊഫഷണലുകൾ എന്ന ഭൂരിപക്ഷം കെയുഡബ്ല്യുജെ-ക്ക് പുറത്താണുള്ളത് എന്നതാണ്!
(ലേഖനം: അലക്സ് ലിവേര)
ബിറ്റ്‌കോയിൻ ആരാധകർക്ക് ദീർഘകാലത്തേക്ക് ചില നല്ല വാർത്തകളുണ്ടെന്ന് അന്തർദേശീയ ക്രിപ്റ്റോ വിശകലനങ്ങളിൽ വിദഗ്ധർ അഭിപ്രായപ്പെടുന്നു. സമീപകാല കണ്ടെത്തലുകൾ അനുസരിച്ച്, ദീർഘകാലതോതിലുള്ള വിതരണത്തിന്റെ അളവ് ഇപ്പോൾ ഏറ്റവും ഉയർന്ന തലത്തിലാണ്. ദീർഘകാലനിക്ഷേപകരുടെ ആത്മവിശ്വാസത്തെ ഗണ്യമായി വർദ്ധിപ്പിക്കുന്ന ഈ സാഹചര്യത്തിനുള്ള ഒരു പ്രധാനകാരണം ബിറ്റ്‌കോയിൻ ഇടിഎഫുകളിൽ ഉയർന്ന പ്രതീക്ഷകളാണ്.
ഓരോ ദിവസം കഴിയുന്തോറും സ്‌പോട്ട് ഇടിഎഫ് അംഗീകാരം ലഭിക്കാനുള്ള സാധ്യത കൂടുതലാണ്; പ്രത്യേകിച്ചും എസ്ഇസിയിലെ സമീപകാലസമ്മർദ്ദം കണക്കിലെടുക്കുമ്പോൾ. വളരുന്ന ദീർഘകാലഹോൾഡറുകൾക്ക് പുറമേ കുറഞ്ഞത് ഒരു കോയിൻ എങ്കിലും കൈവശമുള്ള വിലാസങ്ങളുടെ എണ്ണവും പ്രസക്തമാണ്. മൊത്തത്തിൽ ബിറ്റ്കോയിന് അതിന്റെ നിലവിലെ വിലനിലവാരത്തിൽ ഗണ്യമായ ഡിമാൻഡ് കാണുന്നു. 30,000 ഡോളർ വിലനിലവാരത്തിലേക്ക് തിരിച്ചുവരാനുള്ള ബിറ്റ്കോയിന്റെ സമീപകാലശ്രമങ്ങൾ വിൽപ്പനസമ്മർദ്ദം മൂലം തടസ്സപ്പെട്ടത് വിപണി ഇപ്പോഴും ഹ്രസ്വകാലലാഭമെടുപ്പിന് അനുകൂലമായി നിലകൊള്ളുന്നു എന്നതിന്റെ സൂചനയാണ്.
ബിറ്റ്കോയിന്റെ ഏറ്റവും പുതിയ പ്രകടനം പ്രതീക്ഷകൾക്ക് വിരുദ്ധമാണ്. നിലവിൽ ബിറ്റ്കോയിന്റെ വിനിമയഫ്ലോകൾ വർദ്ധിച്ചുകൊണ്ടിരിക്കുന്നു. ഏറ്റവും പുതിയ ഡാറ്റകൾ എക്സ്ചേഞ്ച് ഔട്ട്ഫ്ലോകൾ എക്സ്ചേഞ്ച് ഇൻഫ്ലോയെക്കാൾ കൂടുതലാണെന്ന് വെളിപ്പെടുത്തി. അതായത് ഡിമാൻഡ് വിൽപ്പനസമ്മർദ്ദത്തെക്കാൾ കൂടുതലാണ്. ഹ്രസ്വകാല ലാഭമെടുപ്പിനുള്ള മുൻഗണന അടുത്ത വൈറ്റ് സ്വാൻ ഇവന്റ് വരെയെങ്കിലും തുടർന്നേക്കാം.
സുരക്ഷിതസങ്കേതമായി കണക്കാക്കപ്പെടുന്ന യുഎസ് ഡോളറിന് സ്റ്റോക്കുകളും ക്രിപ്‌റ്റോകറൻസികളും പോലുള്ള അപകടസാധ്യതയുള്ള ആസ്തികളുമായി വിപരീത ബന്ധമാണുള്ളതെങ്കിലും സമീപകാലസംഭവങ്ങൾ ഈ മാതൃകയ്ക്ക് ഭാഗികമായെങ്കിലും വിരുദ്ധമായി കാണപ്പെട്ടു. ഓൺ-ചെയിൻ അനലിറ്റിക്‌സ് പ്ലാറ്റ്‌ഫോമായ സാന്റിമെന്റ് അനുസരിച്ച് യുഎസ് ഡോളർ ഉയർന്നപ്പോൾ ബിറ്റ്‌കോയിൻ അടുത്ത ആഴ്ചകളിൽ സ്ഥിരത നിലനിർത്തി. വഷളായിക്കൊണ്ടിരിക്കുന്ന മാക്രോ ഇക്കണോമിക് പരിതസ്ഥിതിയിൽ ബിറ്റ്‌കോയിൻ പ്രതിരോധശേഷി കണ്ടെത്തി.
മറ്റൊരു പ്രശസ്തമായ ഓൺ-ചെയിൻ ഗവേഷണസ്ഥാപനമായ ഇൻ ടു ദി ബ്ലോക്കിന്റെ വിശകലനപ്രകാരം പരമ്പരാഗത സാമ്പത്തികസൂചകങ്ങളുമായുള്ള ബിറ്റ്കോയിന്റെ ബന്ധം അടുത്ത ആഴ്ചകളിൽ ഗണ്യമായി മറിഞ്ഞു. യുഎസ് സാമ്പത്തികവിപണിയിലെ ബെൽവെതർമാരായ നാസ്ഡാക്ക് 100, എസ് ആന്റ് പി 500 എന്നിവയുമായുള്ള ബിടിസിയുടെ ബന്ധം നെഗറ്റീവ് ആയി. പൊതുവേ ബിറ്റ്‌കോയിൻ അപകടകരമായ ആസ്തി ആയി ലേബൽ ചെയ്യപ്പെടുകയും സ്റ്റോക്ക് മാർക്കറ്റുമായി ക്ലബ് ചെയ്യപ്പെടുകയുമാണെങ്കിലും നെഗറ്റീവ് പരസ്പരബന്ധത്തിന് അതിനെ സ്വർണ്ണത്തിന് സമാനമായ സുരക്ഷിതസങ്കേതമായി ഫലപ്രദമായി എത്തിക്കാൻ കഴിയും. 26411 യുഎസ് ഡോളർ എന്ന നിരക്കിൽ കൈമാറ്റം ചെയ്യപ്പെട്ട ബിടിസിയോടുള്ള ഉപഭോക്തൃവികാരം പോസിറ്റീവിലേക്കുള്ള ആവേഗം കൂട്ടിയതായും വിലയിരുത്തപ്പെടുന്നു.
ടി.പി ചന്ദ്രശേഖരൻ വധത്തില് ഹൈക്കോടതിവിധി സ്വാഗതം ചെയ്ത് കെ.കെ രമ എംഎല്എ
മസാല ബോണ്ട് കേസില് ഇഡി സമൻസിന് മറുപടി നല്കും: കിഫ്ബി
ആറ്റുകാൽ പൊങ്കാല; കേരളത്തിന് മൂന്ന് സ്പെഷ്യൽ ട്രെയിനുകൾ
-
National1 year agoപുതിയ പാർലമെന്റ് മന്ദിരം; ഉദ്ഘാടനചടങ്ങിൽനിന്നും രാഷ്ട്രപതിയെ ഒഴിവാക്കിയെന്ന ആരോപണവുമായി മല്ലികാർജ്ജുൻ ഖർഗെ
-
Entertainment2 years ago
‘ഞാൻ വളർന്നത് ശക്തരായ സ്ത്രീകൾക്ക് ചുറ്റും’: ദുൽഖർ സൽമാൻ
-
Article/Openion1 year ago
ശംഖജം – പ്രവാസത്തിന്റെ നീറുന്ന കഥ
-
Art2 years ago
ആർഷ ബൈജു
-
Business4 months agoമസാല ബോണ്ട് കേസില് ഇഡി സമൻസിന് മറുപടി നല്കും: കിഫ്ബി
-
Art2 years ago
ആൻ ശീതൾ
-
Kerala2 years ago
ഇന്ത്യൻ ഒളിമ്പിക് അധ്യക്ഷസ്ഥാനം ഏറ്റെടുത്ത് പി ടി ഉഷ
-
Uncategorized12 months ago
PRIME FOX NEWS