സിൽവർലൈൻ പദ്ധതിയുടെ സർവ്വേ നടപടികൾക്കായി റവന്യൂ വകുപ്പിൽ നിന്നും ഡെപ്യൂട്ടേഷനിൽ നിയമിച്ച 205 ജീവനക്കാർക്ക് കഴിഞ്ഞ അഞ്ചുമാസമായി ശമ്പളമില്ല. 2023 ഓഗസ്റ്റ് മുതലുള്ള ശമ്പളമാണ് ഇവർക്ക് ലഭിക്കാനുള്ളത്.

2021-ലാണ് 11 പ്രത്യേക ഓഫീസുകളിലും എറണാകുളത്തെ പ്രത്യേക ഡെപ്യൂട്ടി കളക്ടറുടെ ഓഫീസിലുമായി ഈ ജീവനക്കാരെ ഡെപ്യൂട്ടേഷനിൽ നിയോഗിച്ചത്. ഏതുസ്ഥാപനങ്ങൾക്ക് വേണ്ടിയാണോ സേവനം അനുഷ്ഠിക്കുന്നത് അവരാണ് ജീവനക്കാർക്ക് ശമ്പളം അനുവദിക്കേണ്ടത്. സിൽവർ ലൈൻ മുടങ്ങിയതോടെ ഇവരെ കിഫ്ബിയുടേത് ഉൾപ്പെടെ വിവിധ പ്രോജക്ടുകളിലേക്ക് പുനർവിന്യസിച്ചെങ്കിലും തുടരനുമതിക്കായുള്ള അതത് ഓഫീസുകളുടെ അപേക്ഷ ധനവകുപ്പ് നിരസിച്ചു.

കെ-റെയിൽ പദ്ധതി മുടങ്ങിയെങ്കിലും ഇപ്പോഴും ഈ ജീവനക്കാരുടെ ഓഫീസിന്റെ പേരായി രേഖകളിലുള്ളത് കേരള റെയിൽ ഡെവലപ്മെന്റ് കോർപ്പറേഷൻ ലിമിറ്റഡ്-കിഫ്ബി എന്ന പേരുതന്നെയാണ്.

ആണിന് പെണ്ണിനോടും പെണ്ണിന് ആണിനോടും മാത്രമല്ല, ആണിന് ആണിനോടും പെണ്ണിന് പെണ്ണിനോടും ലൈം​ഗിക അഭിനിവേശം തോന്നാം. ആണിനോടും പെണ്ണിനോടും ഒരുപോലെ ലൈം​ഗികവികാരമുയരുന്നവരുമുണ്ട്. ഇവരിൽനിന്നെല്ലാം വ്യത്യസ്തയാണ് സോഞ്ച സെമിനോവ എന്ന ബ്രിട്ടീഷ് യുവതി. ബ്രിട്ടീഷ് കൊളംബിയ സ്വദേശിനിയായ ഈ 45കാരിക്ക് ഒരു ഓക് മരത്തോടാണ് പ്രണയം.

കഴിഞ്ഞ വർഷമാണ് യുവതി മരത്തോടുള്ള തന്റെ പ്രണയം തുറന്നു പറഞ്ഞത്. ഒരു പങ്കാളിയിൽ താൻ തേടിയിരുന്നത് എന്താണോ അതേ പ്രണയമാണ് ഈ ഓക്കുമരത്തോടുള്ള പ്രണയത്തിൽ കിട്ടുന്നതെന്നാണ് സോഞ്ച പറയുന്നതെന്ന് ന്യൂയോർക്ക് പോസ്റ്റ് റിപ്പോർട്ടിൽ പറയുന്നു. താനൊരു ഇക്കോസെക്ഷ്വൽ ആണെന്നും ഈ ഓക് മരം കാമുകനാണെന്നുമാണ് യുവതി വെളിപ്പെടുത്തിയത്.

ബ്രിക്സ് രാജ്യങ്ങളുടെ പൊതുനിയന്ത്രണത്തിൽ ആർ ഫൈവ് വരുന്നതോടെ പുതുവർഷത്തിൽ ഇന്ത്യക്ക് വിനിമയം നടത്താൻ പുതിയൊരു കറൻസി കൂടി എത്തും. യൂറോ മാതൃകയിൽ ഏകീകൃത കറൻസി കൊണ്ടുവരാനാണ് ബ്രിക്സ് രാജ്യങ്ങൾ പദ്ധതിയിടുന്നത്. ബ്രസീൽ, റഷ്യ, ഇന്ത്യ, ചൈന, ദക്ഷിണാഫ്രിക്ക എന്നീ അതിവേഗം വളരുന്ന സാമ്പത്തികവ്യവസ്ഥകൾ ഒത്തുചേർന്ന് ഒരു കറൻസി രൂപീകരിച്ചാൽ അതിന് യൂറോ പോലെ ശക്തി പ്രാപിക്കാനാകുമെന്ന് കരുതപ്പെടുന്നു. അന്താരാഷ്ട്രതലത്തിൽ ഡോളറിനും യൂറോയ്ക്കുമുള്ള അപ്രമാദിത്വം അവസാനിക്കുകയും ചെയ്യും. ഇന്ത്യയുടെ റുപ്പി, റഷ്യയുടെ റൂബിൾ, ബ്രസീലിന്റെ റിയാൽ, സൗത്ത് ആഫ്രിക്കയുടെ റാൻഡ്, ചൈനയുടെ റെമിൻബി എന്നിവയുടെ ആദ്യ അക്ഷരം ആർ ആണ്. അതുകൊണ്ടാണ് പുതിയ കറൻസിക്ക് ആർ ഫൈവ് എന്ന് പേരിട്ടിരിക്കുന്നത്.

വിവിധ രാജ്യങ്ങളിലെ സെൻട്രൽ ബാങ്കുകൾക്ക് ലോകകരുതൽ കറൻസി കൈവശം വയ്ക്കണമെങ്കിൽ ആ രാജ്യം ഇന്നത്തെ സാഹചര്യത്തിൽ യുഎസ് ഡോളറിൽ വ്യാപാരം നടത്തണം. 1944 മുതൽ ഇതാണ് സ്ഥിതി. രണ്ടാം ലോകമഹായുദ്ധത്തിനിടയിലാണ് ബ്രിട്ടന്റെ പൗണ്ട് സ്റ്റെർലിംഗിൽ നിന്ന് അമേരിക്കൻ ഡോളർ ലോക വാണിജ്യ – വ്യാപാര വിനിമയോപാധിയായി മാറിയത്. കഴിഞ്ഞ 79 വർഷമായി, അമേരിക്കൻ ഡോളർ പ്രബലമായ ലോകകരുതൽ കറൻസിയായി തുടരുന്നു. ഈ സ്ഥാനം കയ്യടക്കാനാണ് പല രാജ്യങ്ങളും രാഷ്ട്രകൂട്ടായ്മകളും ശ്രമിക്കുന്നത്.

രണ്ടാം ലോകമഹായുദ്ധസമയത്ത് ഉണ്ടാക്കിയ ബ്രെട്ടൺ വുഡ്സ് ഉടമ്പടിയുടെ ഫലമായാണ് 1944-മുതൽ അമേരിക്കൻ ഡോളർ ലോക കരുതൽ കറൻസിയായി മാറിയത്. യുദ്ധസമയത്ത്, അമേരിക്കൻ ഐക്യനാടുകൾ സൈനികമായും സാമ്പത്തികമായും ഒരു ആഗോള സൂപ്പർ പവർ ആയിരുന്നു. അമേരിക്കൻ സാമ്പത്തികനയങ്ങളായ സ്വതന്ത്രവിപണിയും സുതാര്യയും സാമ്പത്തികശക്തിയായുള്ള വളർച്ചയും സ്വർണ്ണനിലവാരവുമെല്ലാം കാരണം രാജ്യങ്ങൾ അമേരിക്കൻ ഡോളർ അവരുടെ കരുതൽ കറൻസിയായി സ്വീകരിക്കാൻ സന്നദ്ധരായി. ഇന്ന് അന്താരാഷ്ട്രതലത്തിലെ ബഹുഭൂരിപക്ഷം സാമ്പത്തികവിനിമയവും നടക്കുന്നത് അമേരിക്കൻ ഡോളറിലാണ്.

കഴിഞ്ഞ എട്ട് പതിറ്റാണ്ടോളമായി ലോക സാമ്പത്തിക രം​ഗത്ത് അമേരിക്കൻ ഡോളർ പുലർത്തുന്ന ആധിപത്യത്തിന് ബദലാകും ആർ ഫൈവ് എന്നും ലോക കരുതൽകറൻസിയിലെ ഏറ്റവും വലിയ ക്ലെയിമുകളിൽ ഒന്നായി ആർ ഫൈവ് മാറാനുള്ള സാധ്യതയുണ്ട് എന്നും സാമ്പത്തിക വിദ​ഗ്ധർ ചൂണ്ടിക്കാട്ടുന്നു.